Mamlakat parlamentining milliy xavfsizlik bo‘yicha qo‘mitasi rahbari Ibrohim Aziziy AQShning mintaqadagi kema qatnoviga aralashuvi sulhning buzilishi deb baholanishini ma’lum qildi. Uning so‘zlariga ko‘ra, bo‘g‘ozdagi yangi tartibga ta’sir o‘tkazishga qaratilgan har qanday urinish tegishli javob reaksiyasini keltirib chiqaradi.
"Qo‘shma Shtatlarning Ho‘rmuz bo‘g‘ozidagi yangi dengiz rejimiga har qanday aralashuvi o‘t ochishni to‘xtatish tartibini buzish deb qaraladi", — deb yozdi u.
Shu bilan birga, AQSh Markaziy qo‘mondonligi kemalarni kuzatib borish operasiyasiga 15 ming harbiy va 100 dan ortiq samolyot jalb etilishini bildirdi.
Ommaviy axborot vositalarining yozishicha, Tramp tomonidan e’lon qilingan "Ozodlik" operasiyasi tijorat kemalarini AQSh Harbiy-dengiz kuchlari kemalari bilan majburiy kuzatib borishni nazarda tutmaydi.
Axios portali manbalaridan birining so‘zlariga ko‘ra, AQSh harbiy kemalari tijorat kemalariga ehtimoliy hujumlar sodir bo‘lgan taqdirda "bevosita yaqin masofada" bo‘lib turadi. Bundan tashqari, harbiylar kemalarga bo‘g‘oz orqali o‘tadigan eng xavfsiz yo‘nalishlar haqida ma’lumot berib borishi aytilmoqda.
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
Himolayda 2021 yilda yo‘qolgan rossiyalik talaba yildan keyin Nepaldagi baland tog‘li buddaviy monastirda topildi
«Urushmoqchimisan?» Zelenskiyning Belarusga yo‘llagan tahdidi G‘arbni hayratda qoldirdi
