Eron hukumati mamlakatdagi suv tanqisligini milliy muammo sifatida baholamoqda — u gumanitar va iqtisodiy inqirozga aylanishi mumkin. Bu haqda hukumat matbuot kotibasi Fateme Moxajerani ma’lum qildi.
«Tehrondagi vaziyat juda yomon. Shu sababli poytaxtni bir haftaga yopish masalasini ko‘rib chiqmoqdamiz», — dedi u.
Poytaxtni «yopish»dan maqsad — davlat muassasalari, universitetlar va maktablarni vaqtincha yopish, faoliyatni to‘xtatishdir.
Eronning davlat agentligi IRNA xabar berishicha, hukumat suv muammosini hal etish uchun «noan’anaviy yechimlar»ni muhokama qilmoqda. Masalan:
ish haftasini 4 kungacha qisqartirish;
odamlarni masofaviy ishga o‘tkazish.
Bu orqali suv va elektr energiyasi tejalishi kutilmoqda.
O‘tgan haftadayoq Tehron va yana 50 ta shaharda suv ta’minoti cheklandi — suv o‘chirilish muddatlari 12 soatdan 48 soatgacha bo‘ldi. Bu oqibatda ko‘plab aholi Kaspiy dengizi tomon, Eron shimoliga ko‘chib ketdi, chunki u yerda suv tanqisligi yo‘q.
Prezident Masud Pezeshkiyanning so‘zlariga ko‘ra, vaziyat shunchalik jiddiyki, hatto poytaxtni boshqa shaharga ko‘chirish masalasi ham muhokamada:
«Tehronda haqiqatdan ham suv qolmagan», — dedi u.
📌 Tehron aholisi — 14 milliondan ziyod.
📷 Suratda — Tehronni suv bilan ta’minlaydigan Jajrud daryosi, u bu yilning mart oyidayoq deyarli qurib qolgan.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
