Eronning Sheroz va Karaj shaharlaridagi qamoqxonalarda jazo o‘tayotgan sakkiz nafar mahbus o‘limga mahkum qilindi.
Bu haqda «Radio Farda» xabar tarqatdi.
Ma’lum qilinishicha, oxirgi sutka davomida Sherozdagi Abdulobod va Karajdagi Gizilhasar qamoqxonalarida «noqonuniy giyohvand moddalar savdosi» va «qasddan odam o‘ldirish»da ayblangan sakkiz nafar shaxs o‘lim jazosiga hukm qilingan.
Norvegiya markazida joylashgan Eron Inson huquqlarini himoya qilish tashkiloti hisobotiga ko‘ra, 2024 yilning olti oyi davomida Eronda kamida 249 kishi qatl etilgan, ulardan 147 nafari noqonuniy giyohvand moddalar savdosida ayblangan.