Eronda AQSH-Isroil operasiyasi natijasida halok bo‘lganlar soni 1168 kishiga yetdi

AQSh va Isroilning Eronga qarshi havo hujumlari natijasida halok bo‘lganlar soni 1168 kishiga yetdi.

Bu haqda Inson huquqlari faollari axborot agentligi xabarida aytilgan.

Ma’lumotlarga ko‘ra, 28 fevraldan beri hujumlarda 1168 kishi, jumladan, 194 nafar voyaga yetmaganlar halok bo‘lgan.

28 fevral kuni AQSh va Isroil Eronga qarshi harbiy operasiya boshladi. Eron bunga javoban Isroilga raketalar otdi. Bundan tashqari, Eron kuchlari AQSh bazalarini joylashtirgan bir qator Yaqin Sharq mamlakatlariga hujum qildi. Yaqin Sharqdagi vaziyat tufayli mintaqadagi bir nechta davlatlar o‘z havo maydonlarini vaqtincha yopib qo‘yishdi. 28 fevral kuni AQSh va Isroilning havo hujumlari natijasida Eronning Oliy rahbari Oyatulloh Ali Xomeney o‘z qarorgohida o‘ldirildi.