Eron va AQSh yadro dasturi bo‘yicha yangi muzokaralarga tayyorgarlik ko‘rmoqda

Bu haqda Tehran Times nashri xabar bermoqda.

Nashr Tehron va Vashington yangi muzokaralar bosqichini boshlashga tayyor ekanini vaziyatdan xabardor manbalariga tayanib xabar bermoqda.

"Avvalgi uchrashuvlar faqatgina Eron yadro dasturiga qaratilgan bo‘lsa, bu safar Tehron kun tartibiga Isroil bilan urush sabab yetkazilgan zarar uchun kompensasiya masalasini ham kiritishda qat’iy turibdi", deya yozmoqda Tehran Times.

Manbalarga ko‘ra, muzokaralar bilvosita bo‘lib, vositachi ishtirokida o‘tadi va ular joriy oydayoq boshlanishi mumkin.