Eron raketalari yoqilg‘isiz qoldimi?

26-oktabrga o‘tar kechasi Isroil Eronning harbiy ob’ektlariga raketa hujumi uyushtirdi va uning ballistik raketa dasturining muhim qismlarini nokaut qildi. Bu haqda Axios manbalarga tayanib xabar bermoqda.

Isroilning uchta manbasiga ko‘ra, hujum uzoq masofali ballistik raketalarda qattiq yoqilg‘i ishlab chiqarish uchun ishlatiladigan 12 ta sayyora mikserini yo‘q qildi.

AQShning yuqori martabali rasmiysi bu Eronning raketa ishlab chiqarish imkoniyatlarini kamida bir yilga falaj qilishini tasdiqladi.

Bu zarbalar Eronning 1-oktabr kuni Isroilga 200 ballistik raketa uchirilgan yirik hujumiga javob bo‘ldi.

Eron raketa ishlab chiqarishiga yetkazilgan zararni tasdiqlamadi. Parlament komissiyasi a’zosi Abolfazl Zohrevandning so‘zlariga ko‘ra, Eron havo hujumidan mudofaa kuchlari Isroilning deyarli barcha qiruvchi va uchuvchisiz uchoqlarini urib tushirgan. Shu bilan birga, IRNA agentligi to‘rt nafar eronlik harbiy halok bo‘lgani haqida xabar berdi.

«Eronning dushmanlari bilishi kerakki, uning xalqi qo‘rqmasdan o‘z yurtini himoya qiladi. Har qanday ahmoqlikka javobimiz muvozanatli va o‘ylangan bo‘ladi», — dedi Eron prezidenti Masud Pezeshkian.

Eron Tashqi ishlar vazirligi Isroilning harakatlarini xalqaro huquq va BMT Nizomini buzish deb atadi va mamlakat o‘z hududini himoya qilish huquqiga urg‘u beradi.