Eron prezidenti davlat idoralarida xalqqa nisbatan qo‘pollikni taqiqladi

Eron xalqining noroziligi mutlaqo asoslidir.

Bu haqda Eron prezidenti Mas’ud Pezeshkian Qur’on madaniyatini rivojlantirish kengashi yig‘ilishida bayonot berdi.

"Agar davlat idoralariga murojaat qilayotgan fuqarolar bizning rahbariyatimizdan norozi bo‘lsa, biz boshqaruv tizimida islohotlar o‘tkazishga intilishimiz va xalqqa nisbatan qo‘pol munosabatda bo‘lishga yo‘l qo‘ymasligimiz kerak", — deya ta’kidladi u.

Eron prezidentining so‘zlariga ko‘ra, xalq norozilik bildirayotgan bir paytda islomiy qadriyatlarga sodiqlik haqidagi bayonotlar noo‘rin bo‘lib qoladi: "Biz muammolarni muloqot yo‘li bilan hal qilishimiz kerak".