Eron mamlakatdagi birinchi havo taksisini ishga tushirdi

Eron 24 may kuni mamlakatdagi birinchi havo taksisini rasman ishga tushirdi.

IRNA agentligining xabar berishicha, havo taksisining birinchi reysi Keroj va Qazvin shaharlarini bog‘lab, muntazam qatnovlarning boshlanishi bo‘ldi.

Vazir maslahatchisi va Eron Aloqa va axborot texnologiyalari vazirligi huzuridagi Maxsus iqtisodiy zona (MIZ) va Payam xalqaro aeroporti bosh direktori Muhsin Hasanlu ushbu voqeaning mamlakat aviasiya sanoati uchun ahamiyatini ta’kidladi: "Havo taksisining ishga tushirilishi katta istiqbollarni va’da qiluvchi muhim yutuqdir."

Hasanluning so‘zlariga ko‘ra, yangi transport turi Payam EIZga yangi investisiyalarni jalb qilish, milliy iqtisodiyotni rag‘batlantirish va Alborz viloyatini rivojlantirishga yordam beradi. Bundan tashqari, aholining aviasiya xizmatlaridan keng foydalanishi uchun qulay sharoitlar yaratiladi.

"Havo taksisining joriy etilishi kam yuklangan havo yo‘nalishlarini jonlantirishda muhim rol o‘ynaydi," - dedi Hasanlu.

Eronda birinchi havo taksisining ishga tushirilishi mamlakat transport infratuzilmasini modernizasiya qilish va aviasiya xizmatlaridan foydalanish imkoniyatlarini kengaytirishda muhim qadam sifatida baholanmoqda.