Eron iqtisodiy sanksiyalarni bekor qilish evaziga prezident Donald Tramp bilan yadroviy bitim imzolashga tayyor

Eron oliy rahbarining bosh maslahatchisi Ali Shamxaniy NBC News telekanaliga bergan intervyusida Eron iqtisodiy sanksiyalarni bekor qilish evaziga prezident Donald Tramp bilan yadroviy bitim imzolashga tayyorligini aytdi.

Barcha iqtisodiy sanksiyalarni zudlik bilan bekor qilish evaziga Eron hech qachon yadroviy qurol ishlab chiqarmaslik majburiyatini oladi, yuqori darajada boyitilgan uran zahiralaridan xalos bo‘ladi va uranni faqat fuqarolik maqsadlarida foydalanish uchun zarur bo‘lgan pastroq darajada boyitishga rozi bo‘ladi.

Bundan tashqari, maslahatchining so‘zlariga ko‘ra, Eron xalqaro inspektorlarga bu jarayonni kuzatishga ruxsat beradi.