Eron Tashqi ishlar vazirligi bayonotida qayd etilishicha, 2015 yilda imzolangan “yadroviy kelishuv”ning 10 yillik muddati tugagani sababli, uning barcha qoidalari “o‘z kuchini yo‘qotib bo‘lgan”. Shu bilan birga, Tehron o‘zining “diplomatiyaga sodiq” ekanini yana bir bor ta’kidladi.
“Yadroviy kelishuv” deb ataladigan Eronning yadroviy dasturi bo‘yicha qo‘shma keng qamrovli harakatlar rejasi 2015 yilda Eron, AQSH, Rossiya, Xitoy, Germaniya, Fransiya va Buyuk Britaniya o‘rtasida imzolangan bo‘lib, uning asosiy maqsadi Tehron tomonidan yadroviy qurol yaratilishining oldini olish edi. AQSh Donald Trampning birinchi prezidentlik davrida ushbu kelishuvdan chiqib ketgan.
“Yadroviy kelishuv” shartlariga qayta rioya etish bo‘yicha muzokaralar 2020 yil aprelida Venada boshlangan, biroq natijasiz yakunlangan. 2025 yilning bahori va yozida AQSh va fors davlati o‘rtasida yangi “yadroviy kelishuv” bo‘yicha bir necha raundli muzokaralar o‘tkazilgan edi, ammo ular Isroil va AQShning Eron yadroviy dasturiga qarshi harbiy amaliyoti tufayli to‘xtatib qo‘yilgan.
Yangilangan Cobalt'ning narxi e’lon qilindi
Dunyodagi eng qashshoq davlatlar
Pokistonda «kelinlar bozori» borligini bilasizmi?
