Erdo‘g‘on NATO sammitida Ukrainadagi mojaroga chek qo‘yish bo‘yicha qadamlarni kuchaytirishga chaqirdi

Turkiya prezidenti Rajab Toyyib Erdo‘g‘on Vashingtondagi NATO sammiti doirasida Gresiya bosh vaziri Kiriakos Misotakis bilan muzokaralar chog‘ida Ukrainadagi mojaroga barham berish bo‘yicha sa’y-harakatlarni kuchaytirish zarurligini ma’lum qildi.

Bu haqda Turkiya rahbarining idorasida ma’lum qilindi.

Bundan tashqari, Erdo‘g‘on Falastindagi mojaroga barham berish uchun «ijobiy sa’y-harakatlarni faollashtirish» zarurligini aytdi.

Uning fikricha, mintaqadagi barcha davlatlar Ukraina va Falastinda tinchlik o‘rnatish uchun harakat qilishlari foydali bo‘lardi.