Erdo‘g‘on Ahmad Yasaviy maqbarasiga qadimiy qo‘lda yozilgan Qur’onni sovg‘a qildi

Turkiya Prezidenti Rajab Toyyib Erdog‘an Turkistondagi Xoja Ahmad Yasaviy maqbarasiga noyob qo‘lda yozilgan Qur’on sovg‘a qildi.

Kecha Turkistonda bo‘lib o‘tgan Turkiy Davlatlar Tashkilotining norasmiy sammitida ishtirok etuvchi davlatlar rahbarlari Xoja Ahmad Yasaviy maqbarasini ziyorat qilishdi.

Tashrif davomida Erdog‘an YUNESKOning Jahon merosi ro‘yxatiga kiritilgan maqbaraga Usmonli xattot Ahmad Shamsiddin Qorahisariy tomonidan yaratilgan qo‘lda yozilgan Qur’onni sovg‘a qildi.

Akorda xabariga ko‘ra, mehmonlarga turk-islom dunyosining taniqli mutafakkir va shoirlarining 45 ta kitobidan iborat ko‘rgazma taqdim etildi. Ular orasida Nizomiyning "Xamsa", Fuzuliyning "Layli va Majnun" dostoni va boshqa noyob asarlar bor edi.