Eboladan aziyat chekayotgan Kongoda ikkita kema to‘qnashdi, qurbonlar bor

Kongo Demokratik Respublikasidagi (KDR) Kongo daryosida ikkita kema to‘qnashdi.

Bu haqda Okapi radiostansiyasi xabar bermoqda.

Yo‘lovchilar bilan to‘la kemalar kecha kechqurun noma’lum sharoitlarda to‘qnashdi va Ngombe-Lukolela qishlog‘i (Ekvator viloyati) yaqinida cho‘kib ketdi. Guvohlarning so‘zlariga ko‘ra, to‘qnashuv natijasida halok bo‘lganlar bor, ammo aniq soni hozircha noma’lum. Radiostansiya xabar berishicha, taxminan 30 kishi qutqarilgan. Ba’zi yo‘lovchilar bedarak yo‘qolgan.

Voqea joyida qidiruv-qutqaruv ishlari olib borilmoqda. Rasmiy qurbonlar va jarohatlanganlar soni hali e’lon qilinmagan.