Dunyoga tanilgan olim, akademik Abdumavlon Abdullayev 92 yoshida vafot etdi

Abdumavlon Abdullayev 8 dekabr kuni vafot etdi, deb xabar berdi O‘zbekiston Fanlar akademiyasi matbuot xizmati.

Biolog-botanik olim Abdumavlon Abdullayev 1930 yilda Namangan viloyatida tug‘ilgan. Genetika va o‘simliklar eksperimental biologiyasi institutining bosh ilmiy xodimi lavozimida ishlab kelayotgandi.

Abdullayev O‘zbekiston Fanlar Akademiyasi akademik (1995). O‘zbekistonda xizmat ko‘rsatgan fan arbobi, professor (1980 y). Fanlar Akademiyasi O‘simliklar eksperimental biologiyasi institutida ilmiy xodim (1957-67 y.), laboratoriya mudiri (1967 y.), direktor (1971-1982 va 1985–1989 y.). Fanlar Akademiyasi qishloq xo‘jaligi fanlari bo‘limi raisi (1997–98 y.) lavozimlarida faoliyat yuritgan.

G‘o‘zaning yovvoyi turlarini yig‘ish bo‘yicha uning kelib chiqish markazlari bo‘lgan Meksika (1975 y.), Peru (1984 y.), Seylon, Xindiston, Xitoy (1989–90), Avstraliyaga (1997 y.) uyushtirilgan ekspedisiyalarga boshchilik qilgan.