"Norvegiya pensiya jamg‘armasi mamlakat moliya vazirligining aksiyalar indeksiga kirmaydigan Isroilning 11 ta kompaniyasidagi investisiyalardan voz kechishga qaror qildi. Bu investisiyalar “iloji boricha tezroq” sotilishi belgilangan", deya xabar bermoqda agentlik.
Bundan tashqari, jamg‘arma G‘azo sektori bilan bog‘liq vaziyat sababli Isroildagi barcha tashqi boshqaruvchilar bilan tuzilgan shartnomalarni bekor qiladi.
"Bu choralar favqulodda holatlarga javoban ko‘rilmoqda. G‘azodagi vaziyat jiddiy gumanitar inqirozdir. Biz urush holatidagi mamlakatda faoliyat yuritayotgan kompaniyalarga sarmoya kiritmoqchi emasmiz, G‘arbiy cohil va G‘azo sektoridagi vaziyat esa so‘nggi vaqtlarda yomonlashdi", — deya izoh berdi jamg‘arma rahbari Nikolay Tangen.
Ma’lumotlarga ko‘ra, jamg‘arma 61 ta Isroil kompaniyasiga sarmoya kiritgan bo‘lib, portfelde qolgan isroillik kompaniyalarga yangi investisiyalar kiritilmasligi belgilangan.
Norvegiya 2024 yil may oyida Falastin mustaqil davlat sifatida tan olgan edi.
Ma’lumot uchun, Norvegiya pensiya jamg‘armasi dunyodagi eng yirik suveren fond hisoblanib, uning aktivlari qiymati 1,7 trillion dollardan oshadi.
Muhammad Saloh jazolanadigan bo‘ldi
Migrantlardan norozi bo‘layotgan ekspertlarga qo‘liga supurgi olishni maslahat beraman — Sobyanin
AQSh "ham siz bilan, ham biz bilan o‘ynayapti" - Mers
