Dunyodagi eng yirik musulmon davlat G‘azoga qo‘shin yubormoqchi

Indoneziya G‘azo sektorida tinchlik o‘rnatish uchun kamida 20 ming askar yuborishga tayyor. Bu haqda mamlakat prezidenti Prabovo Subianto 23 sentyabr kuni BMT Bosh assambleyasining 80-sessiyasidagi nutqida ma’lum qildi.

“BMT Xavfsizlik kengashi va Bosh assambleya qaror qabul qilsa, Indoneziya G‘azo sektori va Falastinning boshqa hududlarida tinchlikni mustakamlash uchun birlashgan ko‘p tomonlama qo‘shin tarkibida 20 ming va hatto undan ko‘proq askar yuborishga tayyor. Ikki davlat haqidagi qaror orzu bo‘lib qolmay, reallikka aylanishi kerak”, – dedi Indoneziya rahbari.