Dunyodagi eng katta aysbergning maydoni 1 000 kvadrat kilometrga qisqardi

Dunyodagi eng katta aysberg A23a uch yoz oyi davomida ming kvadrat kilometrga yaqin maydonni yo‘qotdi, deb xabar beradi Arktika va Antarktika tadqiqot instituti.

“Aysbergdan har biri 60 dan 300 kvadrat kilometrgacha bo‘lgan uch bo‘lak muz parchalanib ketdi. Iyun oyining boshida A23a maydoni 2730 kvadrat kilometrni tashkil etdi, bu Rossiya poytaxti Moskvaning o‘lchamiga teng. Sentyabr oyi boshida aysbergning maydoni 1750 kvadrat kilometrga baholangan (Sankt-Peterburg hududi bilan solishtirish mumkin)”,- deb xabar berdi Arktika va Antarktika tadqiqot instituti.

1 sentyabr holatiga ko‘ra, aysberg Atlantika okeanidagi Janubiy Jorjiya orolidan 70 kilometr shimolda suzib yurgan.

A23a aysbergi 1986 yilda G‘arbiy Antarktidadagi Filxner muz tokchasining tashqi chetidan ajralib chiqdi. O‘sha paytda uning maydoni 4170 kvadrat kilometrga baholangan. U 30 yildan ortiq vaqt davomida markaziy Ueddel dengizining sayoz qismida suzib yurgan, keyin Antarktida qirg‘oqlari bo‘ylab harakatlana boshlagan va 2023 yil noyabr oyi o‘rtalarida okeanga tushgan. Aysberg harakatda davom etgan va 2025 yil boshida Janubiy Jorjiyaga yaqinlashgan.