Dronlar sababli Belgiyadagi aeroport o‘z faoliyatini vaqtincha to‘xtatdi

Belgiyaning Lej shahrida joylashgan ikkinchi aeroporti dronlarning uchishi kuzatilgani sababli parvozlarni to‘xtatdi.

Reuters agentligi xabar berishicha, Bryusseldagi "Zaventem" xalqaro aeroporti ham dron kuzatuvi tufayli o‘z faoliyatini to‘xtatgan, ayrim reyslar Lyej shahriga yo‘naltirilgan.

Belgiyaning Soir nashri xabariga ko‘ra, mahalliy vaqt bilan 21:30lar atrofida Bryussel aeroporti o‘z faoliyatini tikladi. Nashr ma’lumotlariga ko‘ra, havo qatnovi to‘liq tiklangan. Ayni damda aeroport rahbariyati hodisa yuzasidan ichki tekshiruv o‘tkazmoqda.

Germaniya va Niderlandiyaga qo‘na olmagan bir qancha samolyotlar rejalashtirilgan reyslarni qayta boshlash uchun Bryussel aeroportiga qaytadi.

Keyinroq VRT Lyej aeroporti ham faoliyatini tiklagani haqida xabar berdi. Lyej aeroporti birinchi navbatda yuk reyslarini amalga oshiradi, shuning uchun bu to‘xtatib turish muntazam yo‘lovchi reyslariga ta’sir qilmadi.