Doha kelishuvi: Kongoda to‘qnashuvlarni to‘xtatishga qadam qo‘yildi

19 iyul kuni Qatar poytaxti Doxa shahrida Kongo Demokratik Respublikasi (KDR) va M23 isyonchi guruhi mamlakatning sharqiga tarqalgan nizoni bartaraf etishga qaratilgan “tamoyillar deklarasiyasi”ni imzoladi.

Tomonlar darhol o‘t ochishni to‘xtatish va barqaror tinchlikni ta’minlash bo‘yicha rasmiy muzokaralarni boshlash majburiyatini o‘z zimmasiga oldi.

M23 guruhi 2025 yil boshlarida Goma shahrini egallab, Shimoliy va Janubiy Kivu viloyatlarida ta’sir doirasini kengaytirganidan so‘ng, mojaro yana avj oldi. Bu minglab insonlar halok bo‘lishi va yuz minglab aholi o‘z uyini tark etishiga sabab bo‘ldi.

BMT Ruandani M23 harakatiga harbiy va moliyaviy yordam ko‘rsatganlikda aybladi, biroq Ruanda poytaxti Kigali bu ayblovlarni rad etdi.