AQSh tomonidan joriy etilgan dengiz blokadasi va Fors ko‘rfazidan tashqarida tankerlarda saqlanayotgan neft zaxiralarining kamayishi tufayli Eronning neft eksportidan olayotgan daromadlari keskin qisqarmoqda. Bu haqda The Wall Street Journal Kpler tahliliy kompaniyasi ma’lumotlariga tayanib xabar berdi.
Iyul oyi o‘rtasida blokada qayta tiklanganidan so‘ng Eron neftini tashiyotgan birorta ham tanker AQSh harbiy-dengiz kuchlari tomonidan belgilangan chiziqni kesib o‘tmagan.
Avgust oyida Eron kuniga taxminan 255 ming barrel neft yuklagan. Bu fevral–aprel oylaridagi o‘rtacha ko‘rsatkichdan 85 foizga kam. Ushbu neft Fors ko‘rfazida qolib ketmoqda.
Fors ko‘rfazi tashqarisidagi tankerlarda saqlanayotgan Eron nefti zaxirasi 90 million barreldan 29 million barrelgacha kamaygan.
Kpler bahosiga ko‘ra, kuniga taxminan 1 million barrel miqdorida yetkazib berish davom etsa, zaxiralar oktyabr oyining o‘rtalariga kelib tugashi mumkin. Ilgari yetkazib berilgan neft uchun tushumlar esa dekabr oyining o‘rtalariga kelib to‘xtashi mumkin.
Quruqlik orqali o‘tadigan yo‘nalishlar orqali esa kuniga ko‘pi bilan 40 ming barrel neft eksport qilish imkoni bor.
Neft daromadlarining cheklanishi Erondagi iqtisodiy inqirozni yanada kuchaytirmoqda. Mamlakatda inflyasiya 80 foizdan oshgan, rial qiymati 15 foizga pasaygan.
Xalqaro valyuta jamg‘armasi 2026 yilda Eron iqtisodiyoti 5,4 foizga qisqarishini prognoz qilmoqda.
Neft saqlash omborlarining to‘lib qolishi sababli Tehron neft qazib chiqarish hajmini ham qisqartirishga majbur bo‘lmoqda.
Dunyo xaritasi 500 yil ichida ilk bor yangilandi
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
💴 Adliya vazirligi O‘zbekistondagi pensiya va nafaqalar miqdorini eslatdi
