Davlat kotibi AQShga noqonuniy muhojirlar oqimini kamaytirgani uchun Meksikaga minnatdorchilik bildirdi

AQSh Davlat kotibi Marko Rubio Meksika tashqi ishlar vaziri Xuan Ramon de la Fuente bilan telefon orqali suhbatda meksikaliklarga Meksika-Amerika chegarasidan noqonuniy muhojirlar oqimini kamaytirish imkonini bergan birgalikdagi ishlari uchun minnatdorchilik bildirdi.

Bu haqda Meksika TIVning "X"dagi sahifasida e’lon qilingan bayonotida aytiladi. "Davlat kotibi Marko Rubio Meksikaga migrasiya va xavfsizlik masalalari bo‘yicha muvofiqlashtirilgan va o‘zaro hurmat asosida olib borayotgan faoliyati uchun minnatdorchilik bildirdi, bu esa boshqa narsalar qatori noqonuniy migrasiya oqimini kamaytirishga yordam berdi”, — deyiladi xabarda.

Bundan tashqari, Rubio “AQShdan Meksika va mintaqadagi boshqa mamlakatlarga qurol-yarog‘larning noqonuniy olib o‘tilishini ularning suverenitetini hurmat qilgan holda nazorat qilish choralarini ko‘rish zarurligini” ta’kidladi.

O‘z navbatida, de la Fuente hamkasbiga Meksika, AQSh va Kanada o‘rtasidagi erkin savdo to‘g‘risidagi uch tomonlama kelishuvni “uch davlat uchun foydali” sifatida saqlab qolish muhimligini ta’kidladi.

Avvalroq The New York Post gazetasi AQSh ichki xavfsizlik departamentidagi manbalarga tayanib, mart oyida AQSh va Meksika o‘rtasidagi chegarani noqonuniy kesib o‘tishlar soni rekord darajaga etgani haqida xabar bergan edi.

Mart oyida chegarachilar atigi 7 mingga yaqin noqonuniy kirish urinishini qayd etgan.