Toshkent va Dushanbe mezbonlik qilayotgan «CAFA Nations Cup-2025» turniri o‘z yakuniga yetdi. 8 sentyabr kuni finalda O‘zbekiston va Eron milliy jamoalari to‘qnash keldi.
O‘yin Eron milliy jamoasi uchun muvvafaqiyatsiz boshlandi. 5-daqiqadayoq himoyachi Oriyo Yusufiy raqibi Abbos Fayzullayevga qarshi qo‘pol o‘ynagani tufayli qizil kartaga loyiq ko‘rilib, maydondan chetlatildi.
Asosiy vaqt golsiz yakunlangach, qo‘shimcha taymlar belgilandi. Uning 15-daqiqasida Eldor Shomurodov penaltini aniq amalga oshirolmadi. Uning kuchli zarbasi darvoza to‘sini ustidan o‘tib ketdi.
O‘yin penaltilar seriyasiga yaqinlashayotgan bir paytda O‘zbekiston g‘alaba golini urishga erishdi. 120-daqiqada qanotdan jarima maydoniga yetkazilgan to‘pni Hojiakbar Alijonov boshi bilan raqib darvozasiga yo‘lladi.
Shu tariqa, O‘zbekiston musobaqaning oltin medaliga sazovor bo‘ldi. Amir G‘alenoyi bosh murabbiyligidagi Eron esa 2-o‘rin bilan cheklanadigan bo‘ldi.
Uchinchi o‘rin uchun bahs Tojikistonning Hisor shahrida Hindiston va O‘mon o‘rtasida o‘tkazildi. O‘yinning asosiy va qo‘shimcha vaqtlari 1:1 hisobida yakunlandi. Penaltilar seriyada Hindiston g‘olib chiqdi – 3:2.
Ta’kidlash joiz, O‘zbekiston uchun Eron «tish o‘tmas» raqiblardan biri hisoblanadi. Bungacha milliy jamoalar 16 marta bir-biriga to‘qnash kelgan va Eron 10 marta g‘alaba qozonib, 5 o‘yin durang bilan yakunlangan. O‘zbekistonning yagona g‘alabasi 2012 yilda, Tehronda 1:0 hisobida qo‘lga kiritilgan edi.
Sherzodxon Qudratxo‘ja Lola Karimovaga Islom Karimovning xatolarini eslatdi va baloga qoldi
"Biz neftni qayerdan sotib olishimiz, bizga eng foydali variantdan kelib chiqib hal qilinadi"
Toshkentda blogerga sud hukmi o‘qildi
