Buyuk Britaniyaning yadro qurollarini saqlovchi harbiy aviabazalari atigi bir yarim metrlik panjara bilan himoyalangani ma’lum bo‘ldi

Bu haqda The Telegraph nashri xabar bermoqda.

"Bu bir nechta ob’ektlarga, jumladan, kelajakda F-35 qiruvchi samolyotlari joylashadigan maydonlarga ham taalluqli. Bunday sharoitda Britanyaning yangi samolyotlari turli guruhlar yoki xorijiy agentlar tomonidan hujumga uchrashi mumkin", deb yozadi nashr.

O‘tgan hafta Falastinni qo‘llab-quvvatlovchi Palestine Action tashkiloti ushbu bazalarga hujum qilish bilan tahdid qilgan edi.

The Telegraph'ning qayd etishicha, ba’zi joylarda uchish-qo‘nish yo‘laklari faqat yog‘och panjaralar bilan o‘ralgan yoki umuman hech qanday himoya vositalarisiz qoldirilgan. Bunday potensial zaif joylarni esa oddiy Street View dasturi yordamida istalgan kishi topishi mumkin.