Buyuk Britaniyada may oyi uchun tarixiy issiqlik rekordi yangilandi. Londonning Xitrou aeroportida havo harorati 33,5°C ga yetdi.
Bu mamlakatda may oyi uchun kuzatilgan eng yuqori harorat bo‘lib, avvalgi 32,8°C rekordidan oshib ketdi. Ilgarigi rekord 1922 yil 22 may kuni Londonda qayd etilgan edi.
Sinoptiklar ma’lumotiga ko‘ra, ayrim hududlarda harorat me’yordan 15 darajagacha yuqori bo‘lgan. Buyuk Britaniyada may oyi oxirida odatda havo 14–20°C atrofida bo‘ladi.
BBC sinoptigi Saymon Kingning aytishicha, kunning eng issiq qismi hali oldinda va harorat 34–35°C gacha ko‘tarilishi mumkin.
Kechasi ham rekord yangilandi — Londonda may oyidagi eng yuqori tungi harorat 19,4°C bo‘ldi.
Issiq havo kundalik hayotga ham ta’sir ko‘rsatmoqda. Glostershirda o‘tkaziladigan mashhur “pishloq poygasi” musobaqasi yuqori harorat sabab deyarli bekor qilinishiga oz qoldi.
Mutaxassislar bu kabi anomal issiqlik to‘lqini nafaqat Britaniya, balki butun Yevropa uchun xavf tug‘dirishi mumkinligini ta’kidlamoqda.
Maktablarda «So‘nggi qo‘ng‘iroq» tadbirlari qachon o‘tkazilishi ma’lum bo‘ldi
Eron 57 ta musulmon davlatidan iborat “Islom NATOsi” ni tuzishga chaqirdi
AQShda qush uyasi sababli xaridor o‘zi sotib olgan avtomobilga egalik qila olmayapti (foto)
