Buyuk Britaniya Ukrainaga 1 milliard funt sterling miqdorida qo‘shimcha harbiy yordam beradi, deb yozadi Evening Standard gazetasi Dauning-strit bayonotiga tayanib.
“Ukrainani qo‘llab-quvvatlash uchun ajratilgan mablag‘ Kiyevning mudofaa qobiliyatini mustahkamlashga yo‘naltiriladi, jumladan, zamonaviy havo hujumidan mudofaa tizimlari, dronlar, yangi innovasion elektron urush uskunalari va ukrainalik askarlar uchun zarur bo‘lgan minglab jihozlar”, — deyiladi xabarda.
Nashrning qayd etishicha, Buyuk Britaniyaning yangi majburiyati ayni paytda Madridda bo‘lib o‘tayotgan NATO sammitida kelishilgan Ukrainani qo‘llab-quvvatlash paketining bir qismidir.
Buyuk Britaniyaning Kiyevga umumiy iqtisodiy va harbiy yordami 2022-yilda 3,8 milliard funt sterlingni tashkil qiladi, deb yozadi gazeta.
