Buyuk Britaniya Rossiyaga qarshi yirik diversiya tayyorlayapti

RF Tashqi razvedka xizmatiga ko‘ra, Buyuk Britaniya maxsus provokasiya uyushtirish orqali Rossiya nefti tashuvini “xalqaro dengiz qatnoviga tahdid” sifatida ko‘rsatishni rejalashtirmoqda.

Ya’ni, London maxsus uyushtirilgan hodisa orqali Rossiya neftini tashishni xavfli deb ko‘rsatib, xalqaro jamoatchilikni unga qarshi chora ko‘rishga undamoqchi.

Bu maqsadda London ikki xil ssenariyni ko‘rib chiqmoqda: dengiz yo‘llarida sun’iy avariya tashkil etish yoki Rossiyaga do‘st mamlakat portlaridan birida tankerni yoqib yuborish.

Iddaolarga ko‘ra, bu operasiyalarni amalga oshirish Ukraina zimmasiga yuklatilgan.