Buyuk Britaniya hukumati Rossiyaga qarshi yangi sanksiyalar kiritdi

Buyuk Britaniya Rossiyaga qarshi sanksiyalar ro‘yxatini kengaytirdi.

Bu haqda Buyuk Britaniya hukumati ma’lum qilgan.

Yangilangan ro‘yxatga faylasuf Aleksandr Dugin va "Ribar" harbiy-tahlil markazi, uning direktori Mixail Zvinchuk kiradi.

Bundan tashqari, Chet elda yashovchi vatandoshlar huquqlarini himoya qilish va qo‘llab-quvvatlash jamg‘armasi, Geosiyosiy ekspertiza markazi hamda Bryusselda joylashgan “Golos” va Euromore axborot agentliklariga ham cheklovlar qo‘yildi.

Sanksiyalar Buyuk Britaniyaga kirishni taqiqlashni va agar ular aniqlansa, aktivlarni muzlatishni o‘z ichiga oladi.