Bukingem saroyi Buyuk Britaniya qirolichasi Yelizaveta II ning sog‘lig‘i haqida ma’lumot berdi.
Qayd etilishicha, qirolichaning ahvoli yaxshi bo‘lib, o‘zini sog‘lom his qilmoqda.
Ta’kidlanishicha, qirolicha o‘g‘li shahzoda Charlz bilan 12 mart kuni ko‘rishgan. Demak, uchrashuv shahzodaning koronavirus bilan kasallanishidan oldin bo‘lib o‘tgan.
Avvalroq shahzoda Charlzga koronavirusning yangi turi yuqtirilganligi haqida xabar berilgan edi. Ma’lum bo‘lishicha, taxt vorisida yengil alomatlar kuzatilmoqda. Uning ham sog‘lig‘i yaxshi va bir necha kundan buyon uyida ishlamoqda. Rafiqasi Kamillaning COVID-19 uchun topshirgan testi esa salbiy natija ko‘rsatgan.