"Bu jamoaning bir qismi bo‘lganimdan faxrlanaman": Kapadze O‘zbekiston milliy jamoasi bilan xayrlashdi!

O‘zbekiston milliy terma jamoasidagi bosh murabbiylik faoliyati yakunlangan Temur Kapadze Instagram orqali jamoa bilan xayrlashdi.

"Milliy jamoa bilan faoliyatim nihoyasiga yetdi. Bu yillar hissiyotlar, g‘alabalar, unutilmas tajribalar bilan to‘la bo‘ldi. Futbolchilar, jamoa shtabi va federasiyaga ishonch va hamkorlik uchun minnatdorchilik bildiraman. Ayniqsa, muxlislarga - doimiy qo‘llab-quvvatlov, energiya va jamoaga bo‘lgan ishonchi uchun katta rahmat! Bu jamoaning bir qismi bo‘lganimdan faxrlanaman. Jamoaga kelgusidagi o‘yinlarda omad va yangi yutuqlar tilayman", - deb yozdi 44 yoshli mutaxassis.