Madridning "Real" klubi yana La Liga o‘yinida g‘alaba qozona olmadi - bu safar "Jirona" bilan durang (1:1). "Qaymoqranglilar" chempionatning ketma-ket uchinchi o‘yinida durang o‘ynadi va "Barselona"ni o‘tkazib yuborib, turnir jadvalidagi birinchi o‘rindan mahrum bo‘ldi.
Jurnalist Pepe Alvares tarqatgan xabarlarga ko‘ra, "qirollik klubi" bosh murabbiy Xabi Alonsoni iste’foga chiqarish masalasini ko‘rib chiqmoqda. Ispaniyalik murabbiyning taqdiri keyingi o‘yinlarda hal bo‘ladi. Xabi Alonsoning o‘rniga faqat bitta nomzod bor - Zinedin Zidan. Biroq, ma’lumot hozircha nufuzli nashrlardan tasdiqlanmagan.
Xabi Alonso joriy yilning yoz oyi boshida Karlo Anchelotti o‘rniga boshqaruvni o‘z qo‘liga oldi. 3 dekabr kuni jamoa Bilbaoning "Atletik" klubiga qarshi safar o‘yinini o‘tkazadi.
O‘zbekistonlik iqtidor Ispaniya maydonlarida o‘zini ko‘rsatishni boshladi
Goal: «Oltin to‘p-2026» reytingi yangilandi
Shomurodov o‘rniga kelgan futbolchi umidlarni oqlay olmadi
