Britaniyada jinoyatchilar terisi ostiga kuzatuv moslamalarini joylashtirish taklif qilindi

Texnologik firmalar Buyuk Britaniya adliya vaziri bilan uchrashuvda huquqbuzarlarni kuzatish tizimiga trekerlarni kiritishni taklif qilishdi. Buyuk Britaniya Adliya vaziri Shabana Mahmud kompaniyalarga qamoqxona inqirozini hal qilish uchun "yaqinroq hamkorlik" ni xohlashini aytdi.

Huquqbuzarlarning terisi ostiga o‘rnatilgan kuzatuv moslamalari, mahbuslarni joylashtirish uchun ishlatiladigan robotlar va ularni tashishda foydalaniladigan haydovchisiz transport vositalari Buyuk Britaniya adliya tizimidagi inqirozni yengish bo‘yicha g‘oyalar izlayotgan vazirlarga texnologiya kompaniyalari tomonidan taklif qilingan chora-tadbirlar qatoriga kiradi, deb yozadi The Guardian.

Takliflar o‘tgan oy Londonda Adliya vaziri Shabana Mahmud raisligida o‘tgan yigirmadan ortiq texnologiya kompaniyalari yig‘ilishida ilgari surilgan, bayonnomalari nashr tomonidan qo‘lga kiritilgan. Qamoqxonalarda joy yetishmasligi va probasiya zobitlari og‘ir ahvolda ekan, Britaniya vazirlari kompaniyalarga “qamoqxonadan tashqarida qamoqxona” yaratish uchun taqiladigan texnologiyalar, xatti-harakatlar monitoringi va geolokasiyadan qanday foydalanish bo‘yicha g‘oyalarni xohlashlarini aytishdi.

Yig‘ilganlar orasida Google, Amazon, Microsoft va AQSh Qurolli Kuchlari bilan yaqindan hamkorlik qiluvchi Palantir kompaniyalari vakillari ham bor edi.