Braziliyada penaltini qaytargan darvozabon vafot etdi (video)

Braziliyada mini-futbol o‘yini chog‘ida fojiali voqea yuz berdi.

Bu haqda mahalliy OAV yozmoqda.

Ma’lumotlarga ko‘ra, 34 yoshli darvozabon penaltidan to‘pni qaytarish chog‘ida to‘p uning ko‘kragiga tegib, vafot etgan. Muvaffaqiyatli seyvdan so‘ng darhol sportchi bayram qilishni boshladi, lekin birdan hushini yo‘qotib, maydonga yiqildi.

Qayd etilishicha, jabrlanuvchi zudlik bilan San-Migeldagi shifoxonaga yetkazilgan, u yerda shifokorlar uni bir soat davomida jonlantirishga uringan. Afsuski, shifokorlarning barcha urinishlari besamar ketdi. Fojia yuz bergan Augusto munisipaliteti ma’muriyati motam e’lon qildi.