Braziliya vise-prezidenti vaqtinchalik davlat rahbari lavozimini egallaydi

Braziliya vise-prezidenti Jeraldu Alkmin vaqtinchalik davlat rahbari lavozimini egallaydi.

Bu haqda mahalliy Globo nashri xabar bermoqda.

Nashrning yozishicha, vise-prezident bugun Braziliyada Slovakiya bosh vaziri Robert Fiko bilan uchrashuvda Lula da Silva nomidan ishtirok etadi. U muzokaralar uchun Braziliya poytaxtiga allaqachon uchib ketgan. Slovakiya delegasiyasi bilan kamida beshta qo‘shma tadbir, jumladan, matbuot bayonotlari rejalashtirilgan.

Avvalroq Lula da Silva miyasiga qon quyilishi bilan kasalxonaga yotqizilgan edi. Shifokorlarning so‘zlariga ko‘ra, davlat rahbari kraniotomiyadan o‘tishi kerak edi. Bu operasiya uchun bosh suyagining bir qismi vaqtincha olib tashlanadigan prosedura. Gematomani drenajlash uchun, ya’ni gematoma bo‘shlig‘ini tozalash uchun kraniotomiya amalga oshirildi, shundan so‘ng u odatda qonning chiqishi uchun qisman ochiq qoldiriladi. Operasiya muvaffaqiyatli o‘tdi.

Lula da Silva 79 yoshda. U 1945 yilda Braziliya shimoli-sharqidagi Pernambuko shtatida tug‘ilgan. 1980 yilda siyosatchi Ishchilar partiyasining asoschisi bo‘ldi, u partiyadan prezident etib saylandi va bu lavozimni 2003 yildan 2011 yilgacha ketma-ket ikki muddat egalladi. 2022 yilda u o‘sha paytdagi rahbar Jair Bolsonaroga qarshi saylovda uchinchi marta g‘alaba qozondi va 2023 yil 1 yanvarda prezidentlikka qaytdi.