Braziliya terma jamoasi samolyoti vataniga faqat bitta futbolchi bilan qaytdi

Braziliya terma jamoasi JCH-2026dan chiqib ketganidan so‘ng vataniga bittagina o‘yinchi — «Flamengo» himoyachisi Danilo Luis da Silva bilan qaytdi. Bu haqda Folha de S.Paulo nashri xabar bermoqda.

Manbaning ma’lumotiga ko‘ra, Braziliya terma jamoasining barcha 26 nafar futbolchisi JCH-2026 1/8 finalida Norvegiyaga (1:2) qarshi kechgan mag‘lubiyatdan so‘ng darhol javob berib yuborilgan. Biroq ko‘plab o‘yinchilar boshqa mamlakatlarga uchib ketishga qaror qilishgan. Ular u yerda ta’til o‘tkazadilar yoki keyinroq mavsumoldi tayyorgarlik uchun o‘z klublariga qo‘shilishadi.

Bosh murabbiy Karlo Anchelotti mag‘lubiyatdan bir kun o‘tib, oilasining uyi bo‘lgan Kanadaga jo‘nab ketdi.

1/8 finalda Norvegiyaga imkoniyatni boy berib, Braziliya terma jamoasi XXI asrda jahon chempionatlaridagi eng yomon natijasini qayd etdi.