Braziliya prezidenti Luis Inasiu Lula da Silva mamlakat milliy terma jamoasi bosh murabbiyi Karlo Anchelotti bilan uchrashuv o‘tkazdi. Tomonlar yulduz hujumchi Neymarni 2026 yilgi jahon chempionatiga chaqirish imkoniyatini muhokama qilishdi.
«Muloqot davomida Anchelotti Neymarni Braziliya terma jamoasiga taklif qilish kerakmi-yo‘qmi, deb so‘radi. Men esa: «Agar u hozir jamoa uchun o‘ynashga to‘liq tayyor bo‘lsa, uni chaqirish mumkin», — deb javob berdim», — deya prezidentning so‘zlarini keltiradi RMC Sport.
Eslatib o‘tamiz, ayni damda 34 yoshli hujumchi Braziliyaning «Santos» klubi a’zosi hisoblanadi.
JCH-2026 Shimoliy Amerikada bo‘lib o‘tadi. Braziliya guruh bosqichida Shotlandiya, Marokash va Gaiti terma jamoalari bilan to‘qnash keladi.
Abduqodir Husanovning muvaffaqiyatlari ortidan Qozog‘iston futboli tanqid qilindi
“Real” yulduzlarni jilovlaydigan murabbiy topdi
AQSh Husanovdan hayratda!
