Braziliya prezidenti Trampni “o‘zini butun dunyoning imperatori” deb hisoblamaslikka chaqirdi

"Biz shuni unutmasligimiz kerakki, prezident Tramp o‘z mamlakati xalqi tomonidan Qo‘shma Shtatlarni boshqarish uchun saylangan, butun dunyoga imperatorlik qilish uchun emas", — deya ta’kidladi Luis Inasiu Lula da Silva CNN telekanaliga bergan intervyusida.

Eslatib o‘tamiz, yaqinda Lula da Silva AQSh prezidentiga nisbatan keskin tanqidlar bildira boshladi. Bunga Tramp tomonidan Braziliya mahsulotlari importiga 50 foizlik bojlar joriy etilishi tahdidi sabab bo‘ldi. Braziliya prezidenti, shuningdek, amerikalik tadbirkorlarga berilgan ruxsatnomalarni to‘xtatib qo‘yishga ruxsat beruvchi farmonni imzoladi.