Bosqinchilar “Al-Auda” kasalxonasini to‘liq to‘sib, barcha tirik mavjudotni o‘qqa tutdi

Isroil G‘azo sektorida bosqinchilik va qirg‘inbarot urushini boshlaganiga 383 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Rafah, Bayt Lahiya va Jabaliya lageriga hujum qildi. Oxirgi 24 soat ichida 70 kishi halok bo‘ldi, ulardan 60 nafari G‘azo shimolida.

▪️Shimoliy G‘azo qamalining 19-kuni. Bayt-Laxiyani tark etishga muvaffaq bo‘lgan guvohlar yo‘llar bo‘ylab yotgan tinch aholining ko‘p sonli jasadlari yotgani va erkaklar ommaviy hibsga olingani haqida xabar berishdi.

▪️Bosqinchilar “Al-Auda” kasalxonasini to‘liq to‘sib, barcha tirik mavjudotni o‘qqa tutdi.

▪️G‘arbiy sohilda ishg‘olchilar Al-Xalil, Baytlahm, Qalqilya, Quddus, Yerixo, Nablusga hujum qildi. 11 yoshli bola o‘ldirilgan, o‘nlab odamlar hibsga olingan.

▪️Livan janubida “Hizbulloh” bilan so‘nggi 24 soat ichida sodir bo‘lgan to‘qnashuvlarda kamida 25 ta isroillik askar yaralandi. Shuningdek, bir qancha qurbonlar bor.

▪️Al-Qassam brigadalari: Jabaliya sharqida “Merkava” tankini yo‘q qildik.

▪️Hizbulloh Al-Manar, Misgav Am va Kiryat Shmona shaharlarida bosqinchi askarlarga hujumlar uyushtirdi. Kun davomida 39 ta harbiy amaliyot o‘tkazildi.

▪️Husiylar Yafadagi harbiy bazaga hujum qildi. Zarba «Palastin-2» gipertovushli raketasi yordamida amalga oshirilgan.

▪️Iroq qarshilik kuchlari Umm er-Rashrashda (Eilat) muhim nishonga uchuvchisiz havo vositalari bilan hujum qildi.

▪️Bosqinchilar Burj al-Barajna falastinlik qochqinlar lageriga hujum qildi. Livandagi halok bo‘lganlar soni 2350 nafarga yetdi.

▪️BMT bosh kotibi Antoniu Guterrish BRIKS sammitida qatnashish uchun Qozonga keldi.