Bortida Liviya Bosh shtab rahbari bo‘lgan Anqarada halokatga uchragan samolyot qoldiqlari topildi

Turkiya qutqaruv bo‘linmalari Anqara aeroportidan havoga ko‘tarilganidan ko‘p o‘tmay qulab tushgan Falcon 50 xususiy samolyoti qoldiqlarini topdi.

HaberGlobal xabariga ko‘ra, samolyot bortida besh kishi, jumladan, Liviya armiyasi shtabi boshlig‘i Muhammad al-Haddod ham bo‘lgan.

"Olti-etti qishloqda qidiruv ishlari davom etmoqda. Bu hududlarga piyoda borish qiyin. Noqulay ob-havo sharoiti ham qidiruv ishlarini murakkablashtirmoqda. Hozir yomg‘ir va tuman bor", - dedi Haymana hokimi Levent Koch.

NTV telekanali ma’lumotlariga ko‘ra, samolyot texnik nosozlik tufayli dastlabki halokatga uchragan. Uning qoldiqlari katta maydonga tarqalib ketgan.