Jozep Borrel Yevropa Ittifoqi davlatlarini Ukrainaga G‘arb qurollari bilan Rossiyadagi nishonlarga zarbalarni amalga oshirishga ruxsat berishga chaqirdi.
"Men Ukrainaga G‘arb qurollari bilan Rossiyadagi aerodrom va boshqa harbiy ob’ektlarga hujum qilishga ruxsat berishga chaqiraman. Bunday choraga hali hamma ham rozi emas. Ammo biz Ukrainani zarur barcha vositalar bilan qo‘llab-quvvatlashga va’da berdik", — deya ta’kidladi Yevropa Ittifoqining tashqi ishlar va xavfsizlik siyosati bo‘yicha oliy vakili.
Borrell, shuningdek, joriy yilning qishi Ukraina energetika sohasi uchun hal qiluvchi bo‘lishini qo‘shimcha qildi.
