Boks bo‘yicha jahon kubogi. Uch nafar sportchimiz yarim finalga chiqdi

Braziliyada boshlangan boks bo‘yicha Jahon kubogida ikkinchi kun bahslari o‘tkazildi. Uch nafar hamyurtimiz o‘z jangini o‘tkazib, g‘alaba qozonishdi va yarim final yo‘llanmasini qo‘lga kiritishdi.

Dastlab -60 kg vaznda bo‘lib o‘tgan bahsda, Madiyar Daniyarov italiyalik Mishel Baldassini 4:1 hisobida mag‘lubiyatga uchratib keyingi bosqichga yo‘l oldi.

Asilbek Jalilov (-50 kg vaznda) qozog‘istonlik Nurzat Ongarovga qarshi ringga ko‘tarilib, raqibga hech qanday imkoniyat qoldirmadi — 5:0.

Akmaljon Isroilov ham -85 kg vaznda keyingi bosqich masalasini hal etdi. Bokschimiz bu yo‘lda shvesariyalik Leonid Berishani mag‘lubiyatga uchratdi.