Adliya vazirligida Bojxona hududidan olib chiqiladigan tovarlarning bojxona qiymati deklarasiyasini to‘ldirish tartibi to‘g‘risidagi yo‘riqnoma (ro‘yxat raqami 3711, 24.11.2025 y.) davlat ro‘yxatidan o‘tkazildi
✅ Yo‘riqnomaga asosan, bojxona qiymati deklarasiyasi elektron shaklda yoki qog‘ozda to‘ldiriladi.
📝 Bojxona qiymati deklarasiyasidagi ma’lumotlarning to‘g‘riligi deklarasiyalovchi shaxsning ERIsi, qog‘oz shakli deklarasiyalovchi shaxsning imzosi bilan tasdiqlanadi.
📑 Bojxona qiymati deklarasiyasi 2 ta asosiy varaqlardan iborat bo‘ladi:
🔹 deklarasiyalanayotgan barcha tovarlarga taalluqli ma’lumotlarni o‘z ichiga olgan 1-varaq;
deklarasiyalanayotgan tovarlarning bojxona qiymatini aniqlashda foydalanilgan ma’lumotlar va bojxona qiymati miqdorining hisob-kitoblari ko‘rsatiladigan 2-varaq.
📁 Bojxona qiymati deklarasiyasi taqdim etilgandan so‘ng bojxona organi mansabdor shaxsi bojxona qiymati deklarasiyasining to‘g‘ri to‘ldirilganligini, tovarning ma’lum qilingan bojxona qiymatini tasdiqlovchi hujjatlar mavjudligining dastlabki tekshiruvini amalga oshiradi.
▶️ Dastlabki tekshiruv natijasida kamchiliklar aniqlansa, ushbu kamchiliklarni bartaraf etish maqsadida bojxona organi mansabdor shaxsi bu haqida deklarasiyalovchi shaxsni darxol xabardor qiladi.
✔️ Kamchiliklar aniqlanmasa bojxona qiymati deklarasiyasini rasmiylashtirish uchun qabul qiladi.
