Boeing ikkita 737 MAX halokatidan kelib chiqqan firibgarlik ayblovlarini tan oldi

Boeing AQSh Adliya vazirligi bilan kelishuvga erishdi va ikkita 737 MAX halokatidan kelib chiqqan firibgarlik ayblovlarini tan oldi.

Shartnoma shartlariga ko‘ra, korporasiya uch yil davomida 243,6 million dollar jarima to‘lashi va parvozlar xavfsizligini yaxshilash uchun kamida 455 million dollar sarflashi kerak bo‘ladi.

Bundan tashqari, kelishuv korporasiya amalga oshirgan ishlar bo‘yicha yillik hisobotlarni e’lon qiladigan mustaqil kuzatuvchini tayinlashni nazarda tutadi. Boeing direktorlar kengashi Indoneziya va Efiopiyadagi aviahalokatda halok bo‘lganlarning qarindoshlari bilan ham uchrashishi kerak bo‘ladi.