BMT Bosh kotibi Antoniu Guterrish tashkilotning 2026 yilgi byudjetini 2025 yilga nisbatan 15 foizga qisqartirishni taklif qildi, bu esa 500 million dollardan oshadi.
Bu haqda BMT matbuot xizmati xabar berdi.
Guterrishning so‘zlariga ko‘ra, xarajatlarni ko‘rib chiqishda tashkilot ishining uchta asosiy yo‘nalishi — tinchlik va xavfsizlik, inson huquqlari va barqaror rivojlanish o‘rtasidagi muvozanat hisobga olingan. Qisqartirish tinchlikparvar missiyalarni moliyalashtirishga ham ta’sir qiladi.
Takliflar Nyu-York va Jenevada ba’zi funksiyalarni tejamkorroq joylarga o‘tkazishni o‘z ichiga oladi.
2027 yilga kelib, BMT Nyu-Yorkdagi ikkita binoni ijaraga berishni to‘xtatishni rejalashtirmoqda.
BMTning ma’muriy va byudjet masalalari bo‘yicha maslahat qo‘mitasi takliflarni shu hafta oxirida ko‘rib chiqadi. Keyin qo‘mita o‘z tavsiyalarini Bosh Assambleyaning Beshinchi qo‘mitasiga yuboradi, u erda barcha 193 a’zo davlat 2025 yil dekabrigacha yakuniy qaror qabul qiladi.
Nikolay Valuyevga nisbatan qidiruv e’lon qilindi
BMTda Falastinga doir muhim hujjat qabul qilindi. Qaysi davlatlar qarshi ovoz bergani ma’lum
O‘zbekistonga qaytayotgan bebaho meros
