BMT Xavfsizlik kengashi G‘azo rezolyusiyasini ma’qullaganidan so‘ng Tramp butun dunyoni tabrikladi

Prezident Donald Tramp BMT Xavfsizlik Kengashining G‘azo inqirozini hal qilish bo‘yicha AQSh tomonidan qo‘llab-quvvatlangan rezolyusiyani qabul qilgani bilan butun dunyoni tabrikladi. Bu haqdagi xabar 17 noyabr kuni Truth Social ijtimoiy media platformasida chop etildi.

"Bir necha daqiqa oldin BMT Xavfsizlik Kengashining aql bovar qilmaydigan ovoz berishi, men raislik qiladigan tinchlik kengashini tan olgani va qo‘llab-quvvatlagani bilan dunyoni tabriklayman", — deb yozdi Tramp.

Kengash tarkibiga "dunyodagi eng nufuzli va hurmatli rahbarlar" ham kiradi. AQSh prezidentining fikricha, rezolyusiya tarixiy bo‘ladi va dunyo tinchligiga olib kelishi mumkin.

Avvalroq, 8 noyabr kuni Financial Times gazetasi arab davlatlari AQShning G‘azo sektorining Isroil nazorati ostidagi qismini qayta tiklash bo‘yicha taklifiga qarshi ekanligini va buning uchun mablag‘ ajratmasligini ma’lum qilgan edi.