G‘azo sektorining kamida 1 million aholisi qishki sovuq havodan himoyalanish uchun yetarlicha boshpanaga ega emas. Bu haqda BMTning Gumanitar masalalarni muvofiqlashtirish boshqarmasi hisobotida aytiladi.
"G‘azo sektorida uy-joyga bo‘lgan ehtiyojning to‘rtdan bir qismidan kamrog‘i qondirilib, qish yaqinlashganda 1 millionga yaqin odam og‘ir ob-havo sharoitlariga duchor bo‘lish xavfi ostida qolmoqda", — deyiladi hujjatda.
Xalqaro tashkilot ma’lumotlariga ko‘ra, yana 545 ming kishi shikastlangan binolar va vaqtinchalik boshpanalarda istiqomat qiladi. Hisobot mualliflarining ta’kidlashicha, Falastin anklaviga brezent va boshqa qurilish materiallari yetkazib berilishi kerak.
