"Biz jiddiy xavfsizlik kafolatlari bo‘yicha kelishuvga erishdik"

Trampning maxsus vakili Stiv Uitkoff AQSh va Rossiyaning Ukraina hamda Yevropa xavfsizligi kafolatlari bo‘yicha erishgan kelishuvlarini "tub burilish" deb baholadi.

"Biz jiddiy xavfsizlik kafolatlari bo‘yicha kelishuvga erishdik, men buni o‘yin qoidalarini o‘zgartiruvchi deb ta’riflagan bo‘lardim. Qo‘shma Shtatlar tomonidan 5-modda bo‘yicha himoya to‘g‘risidagi kelishuvga, tinchlik shartnomasi imzolanganidan so‘ng Rossiya Federasiyasining boshqa hududlarga tajovuz qilmaslik majburiyatini qonuniy mustahkamlashga, shuningdek, Rossiya Federasiyasining Yevropaning boshqa mamlakatlariga hujum qilmaslik va ularning suverenitetini buzmaslik majburiyatini qonuniy mustahkamlashga bunchalik yaqinlashamiz deb o‘ylamagandik. Shunday qilib, biz kelishuvga erishdik va bu hali hammasi emas," - dedi AQSh prezidentining maxsus vakili.