Bir hafta ichida o‘zbekistonliklar 2,9 million dollarlik gaz va elektr energiyasidan noqonuniy foydalanganlar

O‘tgan haftada O‘zbekistonda gaz va elektr energiyasidan noqonuniy foydalanish bilan bog‘liq 92 ta holat aniqlandi.

“O‘zenergoinspeksiyasi”dan olingan ma’lumotlarga ko‘ra, ko‘rib chiqilayotgan davrda 1,8 million kub metr gaz noqonuniy ishlatilib, 5,45 milliard so‘m (taxminan 420 ming dollar) zarar ko‘rgan.

Shuningdek, aholining elektr tarmog‘iga noqonuniy ulanganligi oqibatida davlatga 32,45 milliard so‘m (2,5 million dollarga yaqin) zarar yetkazilgan.

Aniqlangan faktlar bo‘yicha 126 ta ma’muriy bayonnomalar to‘ldirildi. Holatni to‘liq aniqlash uchun ish bo‘yicha barcha materiallar huquqni muhofaza qiluvchi organlarga yuborilgan.

O‘tgan yili gaz va elektr energiyasidan noqonuniy foydalangan o‘zbekistonliklar davlatga 108 million dollar zarar yetkazgan.

Joriy yilning yanvar-fevral oylarida esa o‘zbekistonliklar 25 million dollarlik gazdan noqonuniy foydalanganlar.

Shuningdek, joriy yilda O‘zbekistonda elektr tarmog‘iga noqonuniy ulangan tog‘-kon xo‘jaligi 138 ming dollar zarar keltirgan.

Bundan tashqari, O‘zbekiston gaz qazib olishni ko‘paytirish maqsadida joriy yilda 15 ta uchastkada geologiya-qidiruv ishlarini olib borishni rejalashtirmoqda.