Belarus urushga tayyorlanmoqda. Bu haqda Belarus rahbari Aleksandr Lukashenko ma’lum qildi.
“Biz urushga tayyorlanyapmiz, men bu haqda ochiq aytaman. “Agar tinchlikni xohlasang, urushga tayyorlan, deyishadi – buni men o‘ylab topmaganman”, – dedi Lukashenko Grodnoga ish safari chog‘ida. Uning so‘zlaridan iqtibosni BelTA davlat agentligi keltiradi.
Lukashenkoning aniqlik kiritishicha, Belarusda harbiy qismlar tayyorlanmoqda. Unga ko‘ra, mamlakat o‘zining mudofaa qobiliyatini mustahkamlash uchun yangi turdagi qurol-yarog‘ va texnikalarni ham olmoqda.