BBC: Trampning Xitoyga qarshi savdo tariflari siyosati tufayli dunyo fond bozorlarida indekslar pasaymoqda

Amerikaning S&P 500 indeksi payshanba kungi savdo yakunlariga ko‘ra 3,5 foizga, Dow Jones Industrial 2,5 foizga, Nasdaq esa 4,3 foizga pasaydi.

Avvalgi kunlardagi yo‘qotishlar qisman qoplangach, juma kuni Osiyo bozorlaridagi qimmatli qog‘ozlar ham yana arzonlasha boshladi.

Yaponiyaning Nikkei 225 indeksi hozirda payshanba kungi savdo yakuniga nisbatan 5 foizga, Janubiy Koreyaning KOSPI va Avstraliyaning S&P/ASX 200 indekslari har biri deyarli 2 foizga pasaydi. Tayvanning TAIEX indeksi esa juma kungi savdo boshida 1,2 foiz qiymatini yo‘qotdi.