Bugun 18 noyabr, 2026 yil, chorshanba

КИР

Bayden Putinni o‘smirga qiyosladi

Bayden Putinni o‘smirga qiyosladi

AQShning sobiq prezidenti Jo Bayden o‘zining yangi «Promise Me, America» («Menga va’da ber, Amerika») nomli memuarlarida jahon yetakchilari bilan muloqot qilish jarayonida olgan shaxsiy taassurotlari bilan o‘rtoqlashdi. Kitobdan ayrim parchalar uning nashr etilishi arafasida The Wall Street Journal gazetasida e’lon qilindi.

Baydenning xotiralariga ko‘ra, Rossiya prezidenti Vladimir Putin uchrashuvlar davomida qovog‘i solingan holda gapirgan va o‘zini befarq tutish maqsadida kursisiga bemalol suyanib o‘tirgan. Sobiq prezident uning bu xatti-harakatlarini «o‘smirning qiliqlari»ga qiyoslagan.

Ukraina prezidenti Vladimir Zelenskiyni esa Bayden «injiq va o‘jar» deb ta’riflagan. Uning ta’kidlashicha, Ukraina rahbari kutganidan kamroq minnatdorchilik bildirgan.

Shu bilan birga, Bayden Zelenskiyning aktyorlik tajribasiga yuqori baho bergan. Uning fikricha, aynan shu tajriba Ukraina prezidentiga urush holatidagi mamlakat rahbari rolini bajarishda yordam bergan.

Bayden Isroil bosh vaziri Binyamin Netanyaxunu mamlakatning uzoq muddatli manfaatlaridan ko‘ra o‘zining siyosiy mavqeini saqlab qolishni ustun qo‘yganlikda ayblagan.

AQShning sobiq prezidenti, shuningdek, Isroilning harbiy amaliyotlari oqibatida juda ko‘plab begunoh falastinliklar halok bo‘lganini ham tan olgan.

Bayden Buyuk Britaniya qirolichasi Yelizaveta II haqida esa alohida iliq fikrlar bildirgan. Uning aytishicha, qirolichaning kuchli xarakteri va yumor hissi unga o‘z onasini eslatgan.

Kiritildi: 12:30 17.11.2026. O'qildi: 800 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik